Duniyar Mars (Planet Mars)

-

 SCIENCE IN HAUSA: Episode 3

Duniyar Mars (Planet Mars)


A ilmin taurari, masana sun sanar damu gameda duniyoyi 9 da suke zagaye da rana wacce itace babbar tauraruwar da duniyoyin suke zagawa. Cikin wannan kashin na wannan satin zanyi bayani akan daya daga cikinsu, wato  Duniyar Mars wacce a turance akewa lakabi da Red Planet.


Duniyar Mars ta samune kimanin shekaru biliyan 4.5 a kiyasin Malaman kimiyya. Itace duniya ta 4 daga Rana bayan Mercury, Venus da Earth (duniyarmu), sannan itace ta biyu a mafi kankanta. Mars duniya ce mai kaurin tafiyar mil 4,212 daidai da kilomita 6,778 a ma'aunin diameter. Tanada farfajiya wacce take daidai da fadin nahiyoyin Duniyar Earth mai dauke da tarin duwatsu.


Red Planet da akewa Mars lakabi ya samo asaline daga tarin sinadarin iron da duniyar take dauke dashi. Wannan sindarin yana gauraya da iskar oxygen ya samar da tsatsa bisa turbayar duniyar; shine dalilan dayasa take da launin ja. Kwanson duniyar Mars tattare yake da sinadaran iron, nickel da sulphur wadanda suke lullube da ma'adanai na sinadarin silicate (turbaya) da kuma tsandauri cike da iron.


Duniyar Mars tattare take da sanyi mai tsanani wanda yakai -225 a ma'aunin Fahrenheit daidai da -142 a ma'aunin Celcius. Wannan dalilin ya sanya wanzuwar kwayoyin halittu ya zamto da wahala. Kogin Nili Fossae wani idon ruwane daya kafe kimanin shekaru biliyan 3.5 kuma shine yake nuni da wanzuwar ruwa akan Mars a wadannan shekarun da suka gabata. Ruwan dake kan Duniyar Mars yana daskare ne a matsayin kankara a wasu yankuna na Mars; ana kiransu solar ice caps.


Iskar dake gajimaren Mars tattare take da hadakar iskokin Carbon Dioxide, Argon, Nitrogen da kuma wani burbushi na Oxygen; a takaice gajimaren bashida kauri saboda hadakar iskokin. Abun al'ajabi shine yanda Mars take dauke da dutse mai aman wuta mafi girma a cikin duniyoyin dake zagaye Ranarmu; Olympus Mons ake kiransa. Kuma wannan dutsen ya ninka Mount Everest da tsawo sau 3. Tsakanin Duniyarmu da Mars akwai tazarar kilomita miliyan 261.54.


Duniyar Mars ta fara samun ziyartar sakwagwai daga Duniyar Earth ne a shekarar 1960 da jirgin Marsnik, sai Marsfoll, Nozomi II, Mars Express, Phoenix Lander da Insight sune suka biyo bayansa. Sakagon NASA mai suna Curiosity Rover shine da alhakin daukar hotuna da kuma samar da bayanai akan bincike. 


© Mubarak MS Jigirya

      04/07/2021

Comments

Post a Comment

Popular posts from this blog

ZUCIYA (THE HEART)

-
Image
Zuciya tana ɗaya daga cikin tsoka mafi muhimmanci a jikin kowacce halitta; walau mutum ko dabba. Aikinta ya tattara ga samar da jini ga dukkanin sassan jiki ta hanyar wasu ɗakuna (chambers) guda huɗu, bututu da magudanai masu yawa. Waɗannan sune da alhakin samar da iskar numfashi (oxygen) tattare da sinadaran gina-jiki sun isa kowanne yanki a jiki. A yau, wannan kashin na KUNDIN SCIENCE IN HAUSA zai tattauna siffa da aikin kowane sashe na zuciya ne. Ɗakunan Zuciya Zuciya tana ɗauke da ɗakuna huɗu, waɗanda biyu suke a sama masu suna suna atrium ta dama da kuma atrium ta hagu. Sai kuma ɗakunan ƙasa guda biyu: ventricle ɗin dama, da kuma ventricle ɗin hagu. Atrium ta dama shine da alhakin karɓar jini wanda bai gauraya da iskar numfashi ba domin tunkuɗashi izuwa ventricle ɗin dama da yake ƙasa. Atrium ta hagu kuma aikinta karɓar jinin daya gauraya da iskar numfashi domin tunkuɗashi izuwa ventricle ɗin hagu. Amfanin ɗakunan ventricles shine fitar da jini daga cikin zuciya. Bututun Zuciya Zu
Read more

ÆŠakika Guda Ta Falaki

-
Image
KUNDIN SCIENCE IN HAUSA ÆŠaÆ™iÆ™a Guda Ta Falaki  Falaki (Turanci: Universe) cike yake da ababan al'ajabi, kama daga yawan duniyoyi (planets) da suke a warwatse, É“angorai (asteroid ko comets), É—amaru (Asteroid, Kuiper da Heliosphere), watanni na duniyoyi da kuma tarin taurari. Wannan Falakin namu kuma É—ayane daga cikin biliyoyin Falakan da suke waje. Idan ban manta na taÉ“a faÉ—a mana sunan namu Falakin, wato "Milky Way" a Turance. Wannan Falaki namu ya tara duniyoyi guda takwas, tareda sauran Æ™ananun duniyoyi da akewa laÆ™abi da "Dwarf Planets"; irinsu Pluto da makamantansu. To amma meye yake faruwa a kowacce daÆ™iÆ™a a cikin wannan Falaki? Masana kimiyyar ilmin falaki wato "Cosmologists" sunyi ittifaÆ™in cewa a kowacce daÆ™iÆ™a guda waÉ—ansu abubuwa masu tarin al'ajabi suna faruwa a cikinsa, kamar: 1. Ana haihuwar taurari kimanin 3,180 a kowacce daÆ™iÆ™a. 2. Daga cikin taurarin da suke wanzuwa tsawon biliyoyin shekaru, guda 900 suna fashewa yayinda
Read more

TSIBIRIN MACIZAI (Ilha De Queimada Grande)

-
Image
TSIBIRIN MACIZAI (ILHA DA QUEIMADA GRANDE) A cikin tarin wuraren da suke da haÉ—ari a doron duniyar nan, mutum bazai iya Æ™idayo guda uku ba ba tareda daya lissafo da Tsibirin Macizai ba. Kafin mai karatu yace yau nazo da zance kamar tatsuniya, zanso a biyoni a hankali a kashin yau na Kundin Science In Hausa. Tsibirin Macizai (Ilha Da Queimada Grande) wani yankine a kasar Brazil ta nahiyar Amurka ta Kudu wanda yake mai hatsarin gaske saboda halittun da suke cikinsa. Kimanin kilomita 33 daga birnin Sao Paulo shimfiÉ—e a cikin tekun Atlantic zaka tarar da wannan tsibirin mai É—umbin mamaki.  Tsibirin Macizai ya samo sunansa ne daga tarin macizan cikinsa wanda adadinsu yakai 4000. Macizan da sukayi kaka-gida a wannan tsibirin sune Zinariyar Kububuwa (Turanci: Golden Lancehead Viper) wadanda sukeda launuka daga kore da kuma na ruwan dorawa. Wadannan macizai sunada matukar Æ™arfin dafi sau biyar fiyeda sauran kububuwar da suke kan tudu. A hasashe na tarihi ance wai 'yan fashin te
Read more