Ɗakika Guda Ta Falaki

-
KUNDIN SCIENCE IN HAUSA
Ɗaƙiƙa Guda Ta Falaki 

Falaki (Turanci: Universe) cike yake da ababan al'ajabi, kama daga yawan duniyoyi (planets) da suke a warwatse, ɓangorai (asteroid ko comets), ɗamaru (Asteroid, Kuiper da Heliosphere), watanni na duniyoyi da kuma tarin taurari.

Wannan Falakin namu kuma ɗayane daga cikin biliyoyin Falakan da suke waje. Idan ban manta na taɓa faɗa mana sunan namu Falakin, wato "Milky Way" a Turance. Wannan Falaki namu ya tara duniyoyi guda takwas, tareda sauran ƙananun duniyoyi da akewa laƙabi da "Dwarf Planets"; irinsu Pluto da makamantansu.

To amma meye yake faruwa a kowacce daƙiƙa a cikin wannan Falaki?

Masana kimiyyar ilmin falaki wato "Cosmologists" sunyi ittifaƙin cewa a kowacce daƙiƙa guda waɗansu abubuwa masu tarin al'ajabi suna faruwa a cikinsa, kamar:

1. Ana haihuwar taurari kimanin 3,180 a kowacce daƙiƙa.

2. Daga cikin taurarin da suke wanzuwa tsawon biliyoyin shekaru, guda 900 suna fashewa yayinda makamashinsu ya ƙare.

3. Daga cikin taurarin da suka fashe ɗin ana samun 30 waɗanda suke zamowa baƙaƙen ramuka (black holes). Waɗannan baƙaƙen ramuka sunada ƙarfin majanya (gravitational force) wacce takan iya janye haske cikinsa.

4. A cikin wannan daƙiƙa guda kuma ana haihuwar duniyoyi aƙalla 150,000 a sassa mabambanta na falakin.

5. Wani abun al'ajabi kuma shine yanda wannan duniyar tamu take tafiyar nisan zango 220 (220 kilometres) a cikin falakin Milky Way a kowacce daƙiƙa guda.

6. Haske yakanyi tafiyar taki miliyan ɗari biyu da casa'in da tara (299 million metres) cikin kowacce daƙiƙa. A baya na taɓayin bayanin yanda haske yake iya tafiyar nisan zango dubu ɗari uku da ɗoriya a kowacce daƙiƙa guda.

7. Sannan rana (Sun) tana ƙona makamashin ma'adanin iska na helium kimanin ton miliyan ɗari shida (600 million tons) a kowacce daƙiƙa guda.

Dukkan waɗannan abubuwan da suke faruwa suna kasancewa ne cikin daƙiƙa guda. Wannan yasa ilmin falaki yake da faɗi sosai, ta yanda bincike akan kowanne tauraro yakan iya ɗaukar shekaru.

A gaba kaɗan zanyi bayani akan sauran falakan da suke makwabtaka da namu, inshaa Allah. 

Godiya ta musamman ga masu bibiyar wannan aikin duk da dogon hutun da mukaje. Inshaa Allah, za'a cigaba daga inda aka tsaya. Nagode.

21 Maris, 2023.

-Mubarak MS Jigirya
Babban Edita/Mai Bincike
KUNDIN SCIENCE IN HAUSA

Comments

  1. AnonymousMarch 24, 2023 at 10:50 PM

    Salam. Shin da gaske UFO 👽 suna daukar mutane zuwa duniyar su har suyi muamala su sami ilimi daga garesu?

    ReplyDelete
    Replies
    1. AnonymousMarch 25, 2023 at 3:23 AM

      Wai dagaskene Akwai UFO

      Delete
    2. AnonymousMay 7, 2023 at 1:24 AM

      A zahirin gaskiya duk hasashene kawai. Kuma babu UFO ɗin da suka taɓa ɗaukar wani mutum izuwa duniyarsu.

      Delete

Post a Comment

Popular posts from this blog

ZUCIYA (THE HEART)

-
Image
Zuciya tana ɗaya daga cikin tsoka mafi muhimmanci a jikin kowacce halitta; walau mutum ko dabba. Aikinta ya tattara ga samar da jini ga dukkanin sassan jiki ta hanyar wasu ɗakuna (chambers) guda huɗu, bututu da magudanai masu yawa. Waɗannan sune da alhakin samar da iskar numfashi (oxygen) tattare da sinadaran gina-jiki sun isa kowanne yanki a jiki. A yau, wannan kashin na KUNDIN SCIENCE IN HAUSA zai tattauna siffa da aikin kowane sashe na zuciya ne. Ɗakunan Zuciya Zuciya tana ɗauke da ɗakuna huɗu, waɗanda biyu suke a sama masu suna suna atrium ta dama da kuma atrium ta hagu. Sai kuma ɗakunan ƙasa guda biyu: ventricle ɗin dama, da kuma ventricle ɗin hagu. Atrium ta dama shine da alhakin karɓar jini wanda bai gauraya da iskar numfashi ba domin tunkuɗashi izuwa ventricle ɗin dama da yake ƙasa. Atrium ta hagu kuma aikinta karɓar jinin daya gauraya da iskar numfashi domin tunkuɗashi izuwa ventricle ɗin hagu. Amfanin ɗakunan ventricles shine fitar da jini daga cikin zuciya. Bututun Zuciya Zu
Read more

CIWON DAJI (Cancer)

-
Image
CIWON DAJI (CANCER) Ciwon daji (Turanci: Cancer) wani launin ciwone wanda yake samuwa sakamakon waɗansu dalilai da ilmin Kimiyya yake ta ƙoƙarin zaƙulo su kullum. Cutar daji tana daga cikin manyan cututtuka da Duniya take fama dasu a yanzu saboda sarƙaƙiyar dake tattare da magance cutar. A kiyasi, ɗaya cikin bakwai na kowacce mutuwa a Duniya ana samun mai cutar daji a ciki; misali kamar cutar daji ta huhu, nono, hanji da kuma sauransu. Jikin ɗan Adam tattare yake da ƙwayoyin halittu kimanin biyalin sau dubu wadanda idan suka samu matsala suke komawa gyambon cutar daji. Wadannan ƙwayoyin halittu sun haɗa da; 1- Epithelial: Waɗannan ƙwayoyin halittu sune suke kawo cutar daji a fatar mutum da kashi 80 zuwa 90. 2- Magamar Matattara (Connective Tissue): Wannan cutar ta daji itace wacce take shafar kayan ciki kamar 'yayan hanji, baki da mara. 3- Jini Da Ɓargo (Blood & Lymphatic): Wannan tana daga cikin mafi munin cutukan daji. Ƙwayoyin halittu na jini wadanda suka samu ma
Read more